काठमाडौंं । फिल्म ‘दर्पण छाया २’ की अभिनेत्री सहारा कार्की र अभिनेता फिरोज तिमल्सिनाले विवाह गरेका छन् ।

गत साता इन्गेजमेन्ट गरेका उनीहरुले गत सोमबार अमेरिकामा परिवार र आफन्तको उपस्थितिमा आयोजित वैवाहिक समारोहमा उनीहरुले लगनगाँठो कसेका हुन् ।

‘दर्पण छाया २’ सहाराले पुष्प खड्काको अपोजिटमा अभिनय गरेकी थिइन् भने उनीहरूको घनिष्ठ साथीको भूमिकामा फिरोज थिए । तुलसी घिमिरेले निर्देशित फिल्म बक्सअफिसमा असफल भएको थियो।

फिरोजले ‘नेपाल आइडल’मा निर्माताको रुपमा समेत काम गरिसकेका अभिनेता हुने भने ‘द भ्वाइस अफ नेपाल’मा मुख्य सहायक निर्देशकको जिम्मेवारीसमेत सम्हालेका थिए।