काठमाडौं । प्रधानमन्त्री पुष्पकमल दाहाल ‘प्रचण्ड’ले लोकतन्त्र अब भावनात्मक आधारले मात्रै सुदृढ नहुने बताएका छन्।

प्रतिनिधि सभामा दाहालले लोकतन्त्रको सुदृढीकरणका लागि तथ्यात्मक आधार चाहिने बताएका हुन्।

प्रधानमन्त्री प्रचण्डले ३५ अर्ब वैदेशिक लगानी र १५ हजारलाई रोजगारी सुनिश्चित भएको बताए ।प्रधानमन्त्री प्रचण्डले लगानी बोर्डबाट ९५४.३० मेगावाट विद्युत उत्पादन हुने गरी विभिन्न ६ वटा जलविद्युत परियोजनाका लागि१ खर्ब ६७ अर्ब रूपैयाँ लगानी स्वीकृत भएको बताए।

आर्थिक सुधारकै परिणामस्वरूप कम्तीमा २० हजार थप रोजगारी सिर्जना गर्ने गरी २ खर्ब ५ अर्ब रूपैयाँ लगानीका २८४ नयाँ स्वदेशी उद्योग दर्ता भएको उनको भनाइ छ।

उत्तरी नाकातर्फ रसुवागढी, हिल्सा, कोदारीस्थित अध्यागमन कार्यालयहरू सुचारु भएको उनले बताए।