काठमाडौं । बंगलादेशबाट विमान चार्टर्ड गरेर आज दिउँसो काठमाडौँ आइपुगेको अलिबाबाका संस्थापक एवं चिनियाँ धनाढ्य ज्याक मासहितको टोलीले बुधबार प्रधानमन्त्री पुष्पकमल दाहाल प्रचण्डसँग भेटवार्ता गर्ने भएको छ ।

ज्याक मासहित आठ जनाको टोलीले बुधबार बिहान ८ बजे प्रधानमन्त्री प्रचण्डसँग भेटवार्ता गर्न लागेको हो ।

उनी ईकमर्श व्यापार प्रवर्द्धन गर्न नेपाल आएको बुझिएको छ । सोही विषयमा ज्याक मा प्रधानमन्त्री प्रचण्डसँग छलफल गर्नेछन् । उनी आजको रात बत्तिसपुलतीस्थित द्वारिकाज होटलमा बिताउने छन् ।

त्यस्तै ज्याक मा बुधबार चितवन जाने कार्यक्रम छ । ज्याक मा बिहीबार भने पाकिस्ताको लाहोर प्रस्थान गर्नेछन् ।