काठमाडौं । त्रिभुवन अन्तराष्ट्रिय विमानस्थलमा अब एकजना यात्रुको बिदाई वा स्वागतमा ३ जना भन्दा बढी जान नपाईने भएको छ ।

विमानस्थलको टर्मिनल भवन बाहिर अत्याधिक भीड हुन थालेपछि विमानस्थल सुरक्षा समितिले ३ जनालाई मात्र जान दिने निर्णय गरेको हो ।

विमानस्थल सुरक्षा समितिका अनुसार हाल विमानस्थल परिसरमा अत्याधिक भीड हुँदा भीड व्यवस्थापनमा कठिनाई हुनुका साथै ट्राफिम व्यवस्थापन तथा चोरी नियन्त्रणमा कठिनाई भईरहेको छ ।

यसअघि कोरोना माहामारीको समयमा विमानस्थलमा भिडभाड नगर्न विमानस्थल कार्यालयले निर्देशिका जारी गरेको थियो ।