काठमाडौं । काठमाडौं महानगरपालिकाले आफ्नै टेलिभिजन स्थापना गर्ने भएको छ ।

एफएम रेडियो सञ्चालन गरिरहेको महानगरले आगामी आर्थिक वर्ष २०८०/८१ का लागि ल्याएको बजेटमा टेलिभिजन सञ्चालनको योजना पनि ल्याएको हो।

आइतबार आयोजित महानगरको १३ औं नगरसभामा उपप्रमुख सुनिता डंगोलले आर्थिक वर्षको बजेटमार्फत यस्तो घोषणा गरेकी हुन् ।

टेलिभिजन स्थापनाका लागि महानगरले ५ करोड रुपैयाँ विनियोजन गरेको उनले जानकारी दिइन् ।