पोखरा । पर्यटकीय सहर कास्कीको पोखरामा आजदेखि नेपाल–चीन फ्रेण्डसीप ‘ड्रागन बोट रेस महोत्सव’ सुरु भएको छ।

नेपाल पर्यटन बोर्ड, चिनियाँ दूतावास र पोखरा महानगरपालिकाको संयुक्त आयोजनामा सुरु भएको बोट फेस्टिभल  महोत्सवको संस्कृति, पर्यटन तथा नागरिक उड्डयनमन्त्री सुदन किराँतीले शुक्रबार उद्घाटन गरे ।

फेवातालमा दुईदिनका लागि आयोजना गरिएको महोत्सवमा दुइसय र पाँचसय मिटरमा दुई विधामा आठवटा बोट रेस प्रतियोगिता हुने जनाईएको छ ।

महोत्सवमा चिनियाँ चार र नेपाली चार गरी आठ टिम सहभागी छन् । निर्धारित दूरी सबैभन्दा पहिले पार गर्ने टिम विजेता बन्नेछ । सहभागी आठै टिमले वरीयताका आधारमा पुरस्कार पाउनेछन् ।

दक्षीण एसियामै पहिलो पटक पोखरामा शुक्रबारबाट सुरु भएको ड्रागन बोट रेस फेस्टिभलमा पहिलो हुने दुवै विधाका टिमले समान पाँच लाख ५० हजार रुपैयाँ पुरस्कार पाउनेछन् ।