एजेन्सी । एटलान्टिक महासागरमा टाइटानिक जहाजको भग्नावशेष हेर्न पनडुब्बी जहाजमा गएका पाँचै जनाको मृत्यु भएको छ । अमेरिकी कोस्ट गार्डले यसको पुष्टि गरेको हो ।

अमेरिकी कोस्ट गार्डका रियर एडमिरल जोन मगरले पनडुब्बीको पाँच भाग टाइटानिक जहाजको एक हजार छ सय फिटमा फेला परेको पुष्टि गरे ।

भेटिएको भग्नावशेष विपत्तिजनक विस्फोटसँग मिल्दोजुल्दो रहेको जनाइएको छ ।

टाइटानिक जहाजको भग्नावशेष हेर्न पर्यटक बोकेर गएको पनडुब्बी जहाज गएको आइतवार बेपत्ता भएको थियो ।