काठमाडौं । आईसीसी एकदिवसीय विश्वकप छनोटअन्तर्गत नेपालविरुद्ध ब्याटिङ गरिरहेको वेस्टइन्डिजका कप्तान शाई होपले अर्धशतक बनाएका छन्।

टस हारेर ब्याटिङ थालेको वेस्ट इन्डिजका लागि चौथो नम्बरमा क्रिजमा उत्रिएका होपले ७३ बलमा पाँच चौका र एक छक्कासहित अर्धशतक पूरा गरेका हुन्।

होपसँग चौथो विकेटका लागि ८४ रनको साझेदारी गरेका निकोलस पुरन ३७ बलमा ४१ रन बनाएर खेलिरहेका छन्।

नेपाली विकेटकिपर आसिफ शेखले १७औं ओभरको अन्तिम बलमा पुरनको क्याच ड्रप गरेपछि वेस्ट इन्डिजले ब्यािटङमा पुनरागमन गर्यो।

नेपालका लागि बलिङतर्फ करण केसी, गुल्शन झा र सन्दीप लामिछानेले एक–एक विकेट लिएका छन्।