पोखरा । प्रमुख प्रतिपक्षी दल नेकपा एमालेले सरकारले बजेटको गोपनीयता भंग गरेको भन्दै प्रदेशसभा बैठक अवरुद्ध गरेको छ ।

सोमबार प्रदेशसभा बैठक कार्यसूचीमा प्रवेश हुनु अगाडि नै एमालेका सांसदहरुले उठेर विरोध जनाएका हुन् ।

बजेट वक्तव्यभन्दा स्थानीय तहमा जाने बजेट कम भएको र यो गम्भीर लापरबाही रहेको एमालेको ठहर छ ।

बजेटको गोपनीयता भंग गरेको विषय गम्भीर अपराध भएकाले अर्थमन्त्रीले गल्ती सच्याउने प्रतिबद्धता जनाएर छानबिन गर्नुपर्ने एमालेको माग छ ।

एमालेको चर्को विरोधपछि सभामुख कृष्णप्रसाद धितालले बैठक ३० मिनेटका लागि स्थगित गरेका छन् ।