काठमाडौं । आईसीसी विश्वकप छनोटमा ओमानले यूएईलाई पराजित गरेको छ ।

जिम्बावेको बुलावया एथ्लेटिक क्लबमा बुधवार भएको खेलमा ओमानले यूएईलाई ५ विकेटले पराजित गरेको हो । विश्व कप छनोटमा यूएईको यो लगातार दोस्रो हार हो ।

यूएईले दिएको २ सय २८ रनको लक्ष्य ओमानले ४६ ओभरमा ५ विकेट गुमाएर भेटायो । यसअघि टस हारेर ब्याटिङ गरेको यूएईले निर्धारित ५० ओभरमा ८ विकेट गुमाएर २ सय २७ रन बनायो ।

यो जितसँगै ओमान २ खेलमा ४ अङ्कसहित समूह ‘बी’ को तालिकाको शीर्ष स्थानमा पुगेको छ । लगातार २ खेल हारेको यूएई पुछारमा छ ।