काठमाडौं। काठमाडौं उपत्यका प्रहरी कार्यालय रानीपोखरीका प्रमुख एआईजी श्याम ज्ञवालीले त्रिभुवन अन्तर्राष्ट्रिय विमानस्थल सुरक्षा कार्यालयको निरीक्षण गरेका छन् ।

एआईजी ज्ञवालीले आज कार्यालयको क्वाटर गार्ड, ब्यारेक भवन, मेश, चमेना गृह लगायतको निरीक्षण गरेका हुन् ।

निरीक्षण पश्चात् प्रहरी कर्मचारीहरूलाई एआईजी ज्ञवालीले विमानस्थलको सुरक्षालाई चुस्त र प्रभावकारी तुल्याउँदै प्रहरीको छविलाई सकारात्मक राख्न निर्देशन दिए ।

प्रहरी कर्मचारीहरूलाई एआईजी ज्ञवालीले आफ्नो जिम्मेवारी उत्कृष्ट रुपमा निर्वाह गर्दै अबैध क्रियाकलाप रोकथाम, तस्करी नियन्त्रण, यात्रु मैत्री व्यवहार र भ्रष्टाचारमा शून्य सहनसिलता लागु गर्न निर्देशन दिएका छन् ।

एआईजी ज्ञवालीलाई त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख अर्जुन चन्द ठकुरीले धन्यवाद दिएका थिए ।