एजेन्सी । मध्य अमेरिकी मुलुक होन्डुरसको एक महिला कारागारमा भएको झडपमा ४१ जनाको मृत्यु भएको छ ।

होन्डुरसको राजधानी टेगुसिगाल्पामाबाट २० किलोमिटर टाढा रहेको कारागारमा परस्परी बिद्रोही समूह र अन्य कैदीबन्दीबीच मंगलबार झडप भएको हो । सो झडपपछि कारागारमा आगजनी गरिएको थियो ।

अन्तर्राष्ट्रिय सञ्चार माध्यमका अनुसार अधिकांशको जलेर तथा केहीको गोली लागेर मृत्यु भएको छ । सो कारागारमा कम्तीमा पनि ९ सय महिला कैदी बन्दी रहेका थिए । झडपकोबीच कारागारको आधिकांश भाग जलेर नष्ट भएको छ ।

यो घटना लगत्तै होन्डुरसका उप सुरक्षामन्त्री जुलिसा विलानुएभाले देशमा आपतकाल घोषणा गरेका छन् ।