काठमाडौं । आईसीसी क्रिकेट विश्वकपको ग्लोबल छनोटअन्तर्गत नेदरल्यान्ड्सले घरेलु टोली जिम्बावेलाई ३१६ रनको विशाल विजयी लक्ष्य दिएको छ ।

हरारे स्पोर्ट्स क्लबमा टस हारेर पहिला ब्याटिङको निम्तो पाएको नेदरल्यान्ड्सले निर्धारित ५० ओभरमा ६ विकेट गुमाउँदै ३१५ रन बनायो ।

नेदरल्याण्डसका लागि विक्रमजित सिंहले सर्बाधिक ८८ रन बनाएका थिए भने कप्तान स्कट एडवर्ड्सले ८३ रन बनाएका थिए । त्यस्तै म्याक ओ डोउडले ५९ सकिब जुल्फिकारलर अविजित ३४ रन बनाएका थिए ।

जिम्बावेका सिकन्दर राजाले १० ओभरमा ५५ रन खर्चेर सर्वाधिक ४ विकेट लिए । रिचर्ड नागारावाले ९ ओभरमा २ मेडनसहित ४० रन खर्चेर २ विकेट लिए ।