मुम्बइ । भारतीय फिल्म ‘आदिपुरुष’ विवादित बनेपछि चौथो दिन नै कमाइमा ठूलो गिरावट आएको छ।

भारतीय बक्स अफिसमा प्रदर्शनको चौथो दिन सोमबार फिल्मको कमाइ झण्डै ७५ प्रतिशतले गिरावट आएको हो ।

पहिलो दिन विश्वव्यापी रुपमा कमाइ १४० करोड रुपैयाँ कमाएको फिल्मले सोमबार भारतमा ९ देखि १० करोड मात्रै कमाएको जनाइएको छ ।

अग्रिम बुकिङका कारण उक्त फिल्मले पहिलो दिन विभिन्न रेकर्ड बनाएको थियो। संवाद र पात्रलाई गलत रुपमा चित्रण गरिएको भन्दै भारत साथै नेपालमा विरोध भइरहेको छ ।

फिल्मको सामाजिक सञ्जालमा भइरहेको विरोधले कलेक्सनमा असर परेपछि निर्माता तथा लेखकले माफी मागेका छन्।