काठमाडौं । आईसीसी एकदिवसीय विश्वकप छनोट प्रतियोगितामा आज सोमबार दुई खेल हुदैछ ।

समुह बि अन्तर्गतका श्रीलंका र युएई तथा आयरल्याण्ड र ओमानबीच खेल हुदै छन् । दुवै खेल नेपाली समय अनुसार १२: ४५ बजेदेखि जिम्बाबेको बुलावायोमा हुने छन् ।

पूर्व विश्वकप च्याम्पियन श्रीलंका पहिलो पटक विश्वकप छनोट प्रतियोगिता खेल्दैछ । पहिलो खेल खेल्दै गरेका दुवै टोली जितका साथ प्रतियोगिताको सुरुआत गर्न चाहन्छ । प्रतियोगिताको प्रमुख दाबेदार मानिएको श्रीलंका युएईमाथि सहज जितको खोजीमा रहेको छ ।

युएई पनि श्रीलंकामाथि अनपेक्षित जित निकाल्दै सुपर सिक्सको बाटो सहज बनाउने सोचमा रहेको छ । अर्को खेलमा भने आयरल्यान्डले ओमानसँग खेल्दै छ । उक्त खेल जिम्बावेको बुलाबायो एथलेटिक्स क्लबमा हुनेछ ।

पटक पटक एकदिवसीय विश्वकप खेलिसकेको आयरल्यान्ड ओमानलाई हराउदै प्रतियोगिताको सुखद सुरुआत गर्न चाहन्छ ।