काठमाडौं । शेयर बजार परिसूचक नेप्सेमा लगातार ९ दिनसम्म वृद्धि हुँदा ४ महिना यताकै उच्च विन्दुमा पुगेको छ ।

साताको पहिलो कारोबार दिन नेप्से ५२.२६ अंकले वृद्धि हुँदा २०९४.३३ को विन्दुमा बन्द भएको छ ।

आज बैंकिङबाहेक सबै समूहको शेयर बढेर हरियाली हुँदा होटल तथा पर्यटन, बिमा, अन्य र जलविद्युत् समूहका शेयर उच्च अंकले बढेको छ ।

नेप्सेमा उछाल आएसँगै आज कारोबार रकममा पनि सुधार देखिएको छ । जसमध्ये सबैभन्दा बढी शिवम् सिमेन्टस्को शेयर कारोबार भएको छ । कम्पनीको एकैदिन ३६ करोड ६४ लाख रुपैयाँ बराबरको शेयर किनबेच भएको हो ।

नेप्से इन्डेक्स २१ सय नजिक पुग्दा आज ६ कम्पनीको शेयरमा सकारात्मक सर्किट लागेको छ ।