काठमाडौं। आईसीसी एकदिवसीय विश्वकप छनोट प्रतियोगिताको जिम्बाबेविरुद्धको आफ्नो पहिलो खेलमा आसिफ शेखले अर्धसतक बनाएका छन् ।

नेपाललका लागि उनले कुशल भुर्तेलसँगको साझेदारिमा ५० रन बनाएका हुन् ।

आसिफले २८औं ओभरको पाँचौ बलमा टेन्डाई चटारालाई चौका प्रहार गर्दै आफ्नो अर्धशतक पूरा गरेका हुन् ।

उनले ८२ बलमा ५ चौका मद्दतमा ५१ रन बनाए । एक दिवसीय क्रिकेटमा यो उनको नवौं अर्धशतक हो ।

कुशल र आसिफले एकदिवसीय अन्तर्राष्ट्रियमा कीर्तिमानी साझेदारी गरिसकेका छन्। कुशल र आसिफले यसअघिको एक सय ३९ रनको कीर्तिमान तोडेका हुन्।

राष्ट्रिय टिमका पूर्वकप्तान ज्ञानेन्द्र मल्ल र आसिफ शेखले एकदिवसीय अन्तर्राष्ट्रियमा कीर्तिमानी राखेका थिए। आईसीसी विश्वकप क्रिकेट लिग २ को त्रिदेशीय एकदिवसीय शृंखलाअन्तर्गत नामिबियाविरुद्धको खेलमा आसिफ र ज्ञानेन्द्रले दोस्रो विकेटका लागि पनि सर्वाधिक साझेदारीको कीर्तिमान बनाएका थिए।