काठमाडौं । प्रमुख प्रतिपक्ष दल नेकपा (एमाले) का सचेतक महेश बर्तौलाले किसानले उत्पादन गरेका गोलभेँडालगायतका कृषि अनाजहरूको उचित मूल्यको व्यवस्था गर्नुपर्ने बताएका छन् ।

आइतबार प्रतिनिधिसभा बैठकमा आकस्मिक समय लिएर बोल्दै उनले किसानले उत्पादन गरेको कृषि अनाजको उचित मूल्यको व्यवस्था गर्न सरकारसँग माग गरेका हुन् ।

कालीमाटी बजारमा गोलभेँडाको उचित मूल्य नपाउँदा किसानहरूले सडकमा फ्याँक्नुपर्ने अवस्था आएको उल्लेख गर्दै यस्तो अवस्था आउन नदिनेगरी सरकारले सो समस्याको दिगो समाधान गर्नुपर्नेमा जोड दिए ।

सचेतक बर्तौलाले किसानहरूलाई आफ्ना अनाजहरूको क्षतिपूर्ति हुने गरी आवश्यक अनुदानको व्यवस्था गर्न पनि सरकारलाई सचेत गराए ।