जनकपुर । नेकपा एमालेका उपाध्यक्ष सुवासचन्द्र नेम्वाङले सरकारले ल्याएको बजेट भेदभावपूर्ण रहेको जिकिर गरेका छन् ।

शनिवार पार्टीको मधेस प्रदेश सभा सदस्यहरूलाई प्रशिक्षण दिन जनकपुर पुगेका उपाध्यक्ष नेम्वाङले यस्तो बताएका हुन् ।

उपाध्यक्ष नेम्वाङले सरकारले संसद्मा प्रस्तुत गरेको आगामी आर्थिक वर्षको बजेट पास हुन नदिने बताए ।

उनले सरकारले ल्याएको बजेट भेदभावपूर्ण रहेको जिकिर गर्दै संसद्बाट कुनै पनि हालतमा पास हुन नदिने बताए।

उपाध्यक्ष नेम्वाङले भौतिक मन्त्रालयबाट ५ अर्बको बजेटमध्ये ५१ प्रतिशत बजेट ४ वटा जिल्लामा र बाँकी ४९ प्रतिशत बजेट ७३ जिल्लामा दिने गरी भेदभावपूर्ण रूपमा गरिएको बजेटको समर्थन गर्न नसकिने बताए ।