काठमाडौं । संसदीय समितिले नाम अनुमोदन गरेसँगै प्रधानन्यायाधीश हरिकृष्ण कार्कीको आजै नियुक्ति गरी आजै शपथको तयारी भएको छ ।

राष्ट्रपति कार्यालयले प्रधानन्यायाधीश सिफारिस  कार्कीलाई आजै नियुक्ति दिएर साँझ ५ बजे शपथको तयारी गरेको हो ।

बिहान सिंहदरबारमा बसेको संसदीय सुनुवाइ समिति बैठकले प्रधानन्यायाधीशमा उनको नाम सर्वसम्मतिले अनुमोदन हो।

कार्की वैशाख २५ गते प्रधानन्यायाधीश सिफारिस भएका थिए। त्यतिबेला संसदीय समिति गठन नै नभएका कारण बिहीबारदेखि मात्रै उनको सुनुवाइ सुरू भएको थियो।

आज सपथ लिएर कार्यभार सम्हालेपछि उनीसँग २० दिनको समय हुनेछ। तर त्यसमा शनिबार कटाउदाँ उनले १७ दिनमात्र अदालतमा उपस्थित भएर मुद्दाको सुनुवाइमा बस्न पाउनेछन्।