काठमाडौं । सांसद अब्दुल खानले राष्ट्रिय परिचयपत्र बनाउँदा आफ्नो संस्कृति, रीतिरिवाज अनुसार लगाइएका श्रृंगार र पोशाक लगाउन पाउनुपर्ने बताएका छन् ।

शुक्रबार बसेको प्रतिनिधिसभा बैठकमा बोल्दै सांसद खानले संस्कृति, रीतिरिवाजअनुसार लगाइएका श्रृंगार र पोशाक नपाइने नियम हटाउन माग गरे।

उक्त नियमले आमनागरिक राष्ट्रिय परिचयपत्र बनाउने कार्यलाई बहिस्कार गरिरहेको भन्दै यस्ता प्रावधान हटाउन माग जोडदार माग गरेका हुन् ।

उनले भने, ‘आफ्नो संस्कृतिअनुसार महिलाले लगाएको सिन्दुर पुछ्नुपर्ने, दोपट्टा टाउकोबाट हटाउनुपर्ने, कन्ठी फुकाल्नुपर्ने र टीका पुछ्नुपर्ने नियमले राष्ट्रिय परिचयपत्र बनाउन नागरिकले बहिस्कार गरेका छन् । यस्तो बाध्यकारी नियम हटाउन सरकारको ध्यानाकर्षण गराउँछु ।’