काठमाडौं । नक्कली भुटानी शरणार्थी प्रकरणको मुद्दामा आज सरकारी वकिलले जवाफी बहस गर्ने भएका छन् ।

सरकारी वकिलका तर्फबाट जवाफी बहस गर्दै अभियुक्त तर्फका वकिलले उठाएको कानुनी प्रश्नको जवाफ दिइने भएको हो । काठमाडौं जिल्ला अदालतमा गत बुधबारदेखि प्रतिवादी पक्षका कानुन व्यवसायीले बहस थालेका थिए ।

सरकारी वकिलहरुले प्रतिवादीका कानुन व्यवसायीले उठाएका प्रश्न र न्यायाधीशको जिज्ञासालाई सम्बोधन गर्दै शुक्रबार बहस गर्नेछन् ।

सरकारी पक्षको जवाफी बहसपछि सम्भवत: शुक्रबार नै काठमाडौं जिल्ला अदालतका न्यायाधीश प्रेमप्रसाद न्यौपानेको इजलालसले थुनछेक आदेश सुनाउनेछ।

नक्कली शरणार्थी प्रकरणमा जिल्ला सरकारी वकिलको कार्यालय कार्यालय काठमाडौंले पूर्व उपप्रधानमन्त्री टोपबहादुर रायमाझी, पूर्व गृहमन्त्री बालकृष्ण खाणसहित ३० जनालाई प्रतिवादी बनाउँदै मुद्दा दायर गरेको थियो।