कैलाली । धनगढी उपमहानगरपालिका–५ बस्ने २६ वर्षीया डाक्टर प्रसन्ना शाह मृत भेटिएको घटनामा अनुसन्धानमा रहेका डाक्टर सन्दीप भट्टराईलाई पुर्पक्षका कारागार चलान भएका छन् ।

सोमबार जिल्ला अदालत कैलालीले डाक्टर भट्टराईलाई पुर्पक्षका लागि थुनामा पठाउने आदेश दिएको हो ।

जिल्ला प्रहरी कार्यालय कैलालीका सहायक प्रवक्ता खगेन्द्र साउँदका अनुसार आत्महत्या दुरुत्साहनमा अनुसन्धान भइरहेका डाक्टर भट्टराईलाई अदालतले पुर्पक्षका लागि थुनामा पठाएको बताए ।

साउँदका अनुसार सोही मुद्धामा अनुसन्धानमा रहेका विकल केसी भने ५० हजार धरौटीमा रिहा भएका छन् ।

धनगढीको माया मेट्रो अस्पतालमा कार्यरत डाक्टर शाह ४ जेठमा आफ्नै घरमा मृत फेला परेकी थिइन् ।