काठमाडौं । भौतिक पूर्वाधार तथा यातायातमन्त्री प्रकाश ज्वालाले समाजवादी प्रेस संगठनका नवनिर्वाचित पदाधिकारीलाई बधाई ज्ञापन गरेका छन् ।

बुधबार मन्त्रालयमा आयोजित एक कार्यक्रमबीच मन्त्री ज्वालाले नेकपा एकीकृत समाजवादी निकट पत्रकारको संगठनका नवनिर्वाचित पदाधिकारीहरुलाई बधाई दिएका हुन् ।

उक्त अवसरमा समाजवादी प्रेस संगठनका नवनिर्वाचित अध्यक्ष बिश्वमणी सुबेदी, संगठनका उपाध्यक्ष, उपमहासचिव, सचिव तथा देशका विभिन्न स्थानबाट प्रतिनिधित्व गर्ने केन्द्रिय सदस्यहरु लगायतको उपस्थिति थियो ।

कार्यक्रममा मन्त्री ज्वालाले समाजवादी प्रेस संगठनका नवनिर्वाचित पदाधिकारीलाई बधाई ज्ञापन गर्दै समाजवादी प्रेस संगठनले अन्य संगठन भन्दा छुट्टै पहिचान बनाएर अगाडि बढने बिश्वास व्यक्त गरेका थिए ।

यहि जेठ २६ र २७ गते काठमाडौंमा आयोजित समाजवादी प्रेस संगठनको प्रथम अधिवेशनबाट संगठनका पदाधिकारीहरु चुनिएका हुन् ।