बैतडी । बैतडीको मेलौली नगरपालिकामा सामुदायिक वन अतिक्रमण गरेर बनेका २७ ओटा घरटहरामा डोजर चलेको छ।

डिभिजन वन कार्यालय बैतडीका अनुसार मेलौलीको वडा नम्बर ७ चापछाड सामुदायिक वन र वडा नम्बर ८ को कोटीगाउँ सामुदायिक वन अतिक्रमण गरी बनेका घर भत्काइएको हो ।

जिल्ला प्रशासन कार्यालय, वन कार्यालय, मेलौली नगरपालिका र सुरक्षा निकायको संयुक्त प्रयासमा वन अतिक्रमण गरेर बनेका अवैध संरचना हटाइएका हुन्।

वन कार्यालयले यसअघि २ पटक घर खालि गर्न १५ दिनको सूचना जारी गरे पनि त्यसको सुनुवाइ नभएपछि घर भत्काइएका छन्।