काठमाडौं । काठमाडौंको माइतीघर मण्डलमा एकजना व्यक्तिले आत्मदाहको प्रयास गरेका छन्।

मंगलबार नागरिकता विधेयक प्रमाणीकरणको विरोधमा प्रदर्शनमा उत्रिएका निरज नामका एक व्यक्तिले आत्मदाहको प्रयास गरेका हुन् ।

जिउमा पेट्रोल खन्याएर आगो लगाई घाइते भएका निरजलाई प्रहरीले उद्धार गरेको छ ।

पूरा विवरण खुलिनसकेका ती व्यक्तिलाई तत्कालै उपचारका लागि ट्रमा सेन्टरमा पठाइएको प्रहरीले जनाएको छ ।