काठमाडौं । एएफसी यू-२० महिला एसियन कप छनोट अन्तर्गत दोस्रो चरणको छनोटमा सहभागिता जनाएर नेपाली टोली स्वदेश फर्किएका छन् ।

म्यान्मारमा आयोजना भएको छनोटमा सहभागिता जनाएको नेपाली आइतबार राति स्वदेश फर्किएका हुन् ।

नेपाली टोलीलाई एन्फाका महासचिव किरण राई, प्रवक्ता सुरेश शाह लगायतले स्वागत गरेका थिए ।

छनोट खेलमा नेपाल जितविहीन बनेको थियो । शनिबार तेस्रो तथा अन्तिम खेलमा चाईनिज ताइपेसँग ५-० ले पराजित भएपछि नेपाल जित विहीन बनेको हो ।

समूह ‘बी’ मा रहेको नेपालले पहिलो खेलमा म्यानमारसँग ५-० र दोस्रो खेलमा चीनसँग ५-० कै हार बेहोरेको थियो ।