काठमाडौं । अर्थमन्त्री डा.प्रकाशशरण महतले देश र जनतालाई केन्द्रबिन्दूमा राखेर बजेट निर्माण गरिएको बताएका छन् ।

नेपाली कांग्रेस काठमाडौं क्षेत्र नं ५ ले आज विहान आयोजना गरेको क्षेत्रीय सम्मेलनमा बोल्दै अर्थमन्त्री महतले यस्तो बताएका हुन् ।

अर्थमन्त्री महतले देश र जनतालाई केन्द्रबिन्दूमा राखेर अर्थतन्त्रलाई चलायमान बनाउने ढङ्गले बजेट निर्माण भएको दाबी गरे ।

अर्थमन्त्री महतले भने, ‘केही समूहलाई बजेटबारे चित्त बुझेको छैन, दृढ अठोठका साथ कुनै स्वार्थ समूहको कुरा नसुनी बजेट निर्माण गरेका हौँ, बजेटले अर्थतन्त्रलाई चलायमान बनाउन मद्दत पुग्छ, बजेटले सबै क्षेत्रलाई समेटेको छ।’

निरपेक्ष भावका साथ बजेट निर्माण गरिएको अर्थमन्त्री महतको भनाई छ । अर्थमन्त्री महतले आफ्नो अठोट देश र जनताप्रति भएको स्पष्ट पारे।