काठमाडौं । सत्तारुढ दल नेपाली कांग्रेसका सांसद रामहरि खतिवडाले प्रमुख प्रतिपक्षी दल नेकपा एमालेले संसदलाई अनिर्णयको बन्दी बनाउन खोजेको आरोप लगाएका छन् ।

आइतबार संघीय संसद् भवन परिसरमा सञ्चारकर्मीमाझ उनले सो कुरा बताएका हुन् । उनले एमालेले संसदमा उठेका जलहरी प्रकरणको विषयमा छलफल नै गर्न नदिएर अपरिपक्वता प्रदर्शन गर्न खोजेको आरोप लगाए ।

सांसद खतिवडाले महालेखा परीक्षकको प्रतिवेदनले औंल्याएको जलहरी प्रकरणबारे आफूहरुले संसदमा फेरी पनि कुरा उठाउने बताए ।

खतिवडाले संसारकै देउता पशुपतिनाथको मन्दिरमा राख्न लागेको सुन त बदमासी गर्नेले देशलाई के गर्लान् ? भन्दै प्रश्न गरे।