काठमाडौं । उद्योग वाणिज्य तथा आपूर्ति मन्त्री रमेश रिजाल बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) सम्मेलनमा सहभागी हुन भारत प्रस्थान गरेका छन् ।

बिमस्टेकको छैठौं सम्मेलन आगामी जेठ ३० देखि ३२ सम्म भारतको कलकत्तामा आयोजना हुँदैछ ।

नेपालमा लगानी भित्र्याउने तथा व्यापार प्रवर्द्धन लगायतका विषयमा मन्त्री रिजालले सम्बोधन गर्ने कार्यक्रम रहेको छ ।

बिमस्टेकमा नेपाल, भारत, श्रीलंका, बंगलादेश, म्यानमार, थाइल्यान्ड र भुटान छन् ।

बिमस्टेकको चौथो शिखर सम्मेलन नेपालमा भएको थियो भने पहिलो थाइल्यान्डमा भएको थियो ।