काठमाडौं । म्यान्मारमा आयोजना भएको एएफसी यू-२० महिला एसियन कप छनोट अन्तर्गत दोस्रो चरणको छनोटमा सहभागिता जनाएर नेपाली टोली आज आइतबार स्वदेश फर्कदैछन् ।

नेपाली टोली आज राति १०:३० बजे स्वदेश फर्कने छन् । छनोट खेलमा नेपाल जितविहीन बनेको थियो ।

शनिबार तेस्रो तथा अन्तिम खेलमा चाईनिज ताइपेसँग ५-० ले पराजित भएपछि नेपाल जित विहीन बनेको हो ।

समूह ‘बी’ मा रहेको नेपालले पहिलो खेलमा म्यानमारसँग ५-० र दोस्रो खेलमा चीनसँग ५-० कै हार बेहोरेको थियो ।