काठमाडौं । राजधानीमा जारी शहीद स्मारक ‘ए’ डिभिजन लिग फुटबलमा विभागीय नेपाल पुलिस क्लब विजयी भएको छ ।

च्यासल मैदानमा आज भएको आफ्नो अन्तिम खेलमा सातदोबाटो युथ क्लबलाई १–० गोल अन्तरले पराजित गर्दै पुसिलसले सुखद् सिजनको अन्त्य गर्न सफल रह्यो ।

पुलिसको जितमा अहमद हिजाजीले निर्णायक गोल गरे । अन्तिम खेल खेल्न बाँकी रहे पनि जावलाखेल युथ क्लबलाई चार अंकले पछि पार्दै पुलिसले तेस्रो स्थान निश्चित गरेको हो ।

जितसँगै २६ खेलबाट ४१ अंक जोडेको पुलिस तालिकाको तेस्रो बन्न सफल भएको छ ।

सातदोबाटोले हारबाट सिजनको अन्त्य गरेको छ । सातदोबाटो २६ खेलमा ३५ अंक जोड्दै पाँचौं स्थानमा रहेको छ ।