काठमाडौं । बजेटमाथि छलफलको क्रममा नेकपा एकीकृत समाजवादीका सांसद कृष्णकुमार श्रेष्ठले संसदको रोष्ट्रममै एक मिनेट मौनधारण गरेका छन् ।

बजेटमा मधेश, मधेशी र मधेशमा बसोवास गर्नेहरुमाथि गरेको अपमान र नागरिकताविहिन जनताहरुको लागि संसदको रोष्ट्रमबाटै मौन धारण गरेका हुन् ।

उनले सत्तासाझेदार दल भएपनि सरकारले ल्याएको बजेटमा मधेशलाई उपेक्षा गरेको भन्दै यथास्थितिमा बजेट पास गर्न नदिने चेतावनी समेत दिए ।

सांसद श्रेष्ठले बजेट प्रधानमन्त्री, अर्थमन्त्री र मन्त्रीहरूको निर्वाचन क्षेत्रमा केन्द्रित भएको भन्दै विरोध जनाए ।