काठमाडौं । राजधानीमा जारी सहिद स्मारक ‘ए’ डिभिजन लिग फुटबलका अन्तिम चरणका खेलहरु शुक्रबारबाट हुँदैछन् ।

जसमा दुई खेल त्रिपुरेश्वरस्थित दशरथ रंगशालामा हुनेछ । त्यस्तै एक खेल एन्फा कम्पेल्क्स र एक खेल च्यासल मैदानमा हुनेछ ।

दशरथ रंगशालामा हुने पहिलो खेलमा एपीएफ क्लब र फ्रेन्ड्स क्लबबीच प्रतिस्पर्धा हुनेछ । एपीएफ र फ्रेन्ड्सबीचको खेल दिउँसो ३ बजे सुरु हुनेछ । शुक्रबार नै दिउँसो ३ बजे एन्फा कम्प्लेक्स, सातदोबाटोमा एफसी खुमलटार र चर्च ब्वाइज युनाईटेडबीच प्रतिस्पर्धा हुनेछ ।

रंगशालामा हुने दोस्रो खेलमा त्रिभुवन आर्मी क्लब र हिमालयन शेर्पा क्लबबीच प्रतिस्पर्धा हुनेछ । आर्मी र हिमालयनबीचको खेल साँझ ६ बजे सुरु हुनेछ ।

साथै च्यासल मैदानमा नेपाल पुलिस क्लब र सातदोबाटो युथ क्लबबीच प्रतिस्पर्धा हुनेछ ।

यी मध्ये दुई टोली ‘ए’ डिभिजनबाट ‘बि’ डिभिजनमा झर्नेछन् ।