काठमाडौं । दक्षिण भारतीय अभिनेता प्रभास, कृति सेनन र सैफ अली खान अभिनीत फिल्म ‘आदिपुरुष’का निर्माताले रिलिजअघि नै एक घोषणा गरेका छन् ।

फिल्म रिलिज समय नजिकिँदै गर्दा निर्माण टिमले रामकथा हुने ठाउँमा हनुमानको उपस्थिति हुने भएकाले हरेक भारतीय हलमा हनुमानका लागि एउटा सिट खाली राखिने घोषणा गरेको हो ।

ओम राउतद्धारा निर्देशित यो फिल्म असार १ गते रिलिज हुँदैछ । मंगलबार टि-सिरिज युट्युब च्यानलमार्फत फिल्मको दोस्रो ट्रेलर सार्वजनिक गरिएको छ। सार्वजनिक ट्रेलरमा सीताहरणको प्रसंगलाई देखाइएको छ।

फिल्ममा प्रभास रामको भूमिकामा देखिनेछन् भने कृति सीताको भूमिकामा देखिनेछिन् । सैफअली खान रावणको भूमिकामा देखिनेछन् ।

यो फिल्म हिन्दी, तेलुगु, तमिल, मलयालम, कन्नड गरी पाँच भाषामा प्रदर्शन हुनेछ।