काठमाडौं । उपप्रधान तथा गृहमन्त्री नारायणकाजी श्रेष्ठले सिर्सिया नदीको प्रदूषण रोक्न दबाब दिँदै आएका अभियान्तालाई भेटेका छन् ।

बुधबार धर्नास्थलमा पुगेका मन्त्री श्रेष्ठले वीरगञ्जबाट पदयात्रामा आएका अभियान्ता र स्थानीयलाई भेटेका हुन् ।

नदीको पानी बोटलमा बोकेर काठमाडौं आएका अभियन्ताहरुले माइतीघरमा धर्ना दिँदै आएका थिए । बुधबार धर्नास्थलमा पुगेका गृहमन्त्री श्रेष्ठले चुरे तथा वातावरण संरक्षण र प्रदूषण नियन्त्रण सरकारको पनि एजेण्डा भएको बताए ।

उनीहरूले ४ बुँदे मागसहितको ज्ञापनपत्रसमेत सरकारलाई बुझाएका छन् । गृहमन्त्री श्रेष्ठले प्रदूषणमुक्तको सरकारी लक्ष्यमा घचघच्याएर सरकारले बल पुर्‍याएको बताए ।