काठमाडौं । राजधानीमा जारी सहिद स्मारक ‘ए’ डिभिजन लिग अन्तर्गत नेपाल पुलिस क्लबले न्यूरोड टिमलाई हराएको छ ।

त्रिपुरेश्वरस्थित दशरथ रंगशालामा सम्पन्न खेलमा पुलिसले न्युरोड टिम एनआरटीलाई १-० गोल अन्तरले पराजित गरेको हो ।

पुलिसको जितमा मोसेस ग्याबह ट्वुमले निर्णायक गोल गरे ।

जितसँगै पुलिस २३ खेलमा ३४ अंकसहित चौंथो स्थानमा रहेको छ भने एनआरटी २३ खेलमा २९ अंक जोडेर आठौं स्थानमा रहेको छ ।

आजै च्यासल मैदानमा भएको अर्को खेलमा फ्रेन्ड्स क्लब र हिमालयन शेर्पा क्लबले बराबरी खेल्दै अंक बाडेका छन् ।

यस बराबरीसँगै फ्रेन्ड्सले २३ खेलमा २५ अंक जोडेको छ । हिमालयनले २३ खेलमा ३० अंक जोडेको छ ।