काठमाडौं । आगामी असार ८ गतेबाट प्रदर्शनमा आउने तयारीमा रहेको चलचित्र ‘अन्तिम संस्कार’ को ट्रेलर सार्वजनिक गरिएको छ ।

निर्माण युनिटले बुधबार फिल्मको ट्रेलर सार्वजनिक गरेको छ । २ मिनेट १७ सेकेन्डको ट्रेलरमा सस्प्नेस, थ्रिलर, इमोसन पाटोलाई देखाउन खोजिएको छ ।

विनोद सुवेदी क्षितिज निर्माता रहेको चलचित्र सामाजिक एवं सांस्कृतिक कथावस्तुमा निर्माण भएको हो । ‘मर्डर मिस्ट्रि ’को कथालाई चलचित्रमा समावेश गरिएको छ ।

प्रदीप शाहीको लेखन एवं निर्देशनमा तयार फिल्ममा विजय लामा, एवनराज उप्रेती, त्रिचन्द्र राई, विशाल पहारी, दिग्गज खत्री, सुस्मिता गिरी, आईशा तामाङ, सुरज खालिङलगायतको अभिनय छ ।