काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा सोमबार २२ औं चरणका अन्तिम दुई खेल हुँदैछन् ।

अखिल नेपाल फुटबल संघ (एन्फा)का अनुसार एक खेल च्यासल मैदान, ललितपुर र अर्को खेल एन्फा कक्प्लेक्स, सातदोबाटोमा हुने छन् ।

दिउँसो ३ बजे सुरु हुने पहिलो खेलमा एफसी खुमलटार र हिमालयन शेर्पा क्लबबीच प्रतिस्पर्धा हुनेछ ।

यस्तै दोस्रो खेलमा नेपाल पुलिस क्लब र फ्रेन्ड्स क्लबबीच प्रतिस्पर्धा हुनेछ । दुई टोलीबीचको खेल साँझ ६ बजे सुरु हुनेछ।