काठमाडौं । ओलिभर जिरौडले गरेको गोलमा एसी मिलानले आइतबार राति इटालियन सिरी ‘ए’मा युभेन्टसलाई १–० ले पराजित गरेको छ ।

योसँगै मिलानले शीर्ष चारमा रहेर अर्को सिजन यूईएफए च्याम्पियन्स लिगमा स्थान सुरक्षित गरेको छ ।

लिगमा अन्तिम खेल बाँकी हुँदा मिलान ६७ अंक जोडेर चौथो स्थानमा छ । त्यो पाँचौँ स्थानमा रहेको एटलान्टाभन्दा ६ अंकले माथि हो । पराजित युभेन्टस ५९ अंकसहित सातौँ स्थानमा छ ।

खेलाडी स्थानान्तरणको नियम उल्लंघन गरेको भन्दै युभेन्टसलाई कारबाही गरेर १० अंक कटौती गरिएको थियो ।