काठमाडौं । एकदिवसीय विश्वकप छनोटका लागि नेपाली राष्ट्रिय क्रिकेट टिमको घोषणा भएको छ ।

जिम्बाब्वेमा जुन १८ देखि सुरु हुने छनोटका लागि नेपाल क्रिकेट संघले आइतबार रोहितकुमार पौडेलको कप्तानीमा १६ सदस्यीय राष्ट्रिय टिम सार्वजनिक गरेको हो ।

प्रतियोगिताको समूह ‘ए’मा रहेको नेपालले जुन १८ मा घरेलु टिम जिम्बाब्वेविरुद्ध खेल्दै प्रतियोगिताको सुरुवात गर्ने छ ।

यस्तै, जुन २० मा नेपालले अमेरिकासँग, जुन २२ मा वेस्टइन्डिजसँग र जुन २४ मा नेदरल्यान्ड्ससँग समूह चरणको अन्तिम खेल खेल्ने छ ।

यस्तो छ नेपाली टिम :
कुशल भुर्तेल, आसिफ शेख, ज्ञानेन्द्र मल्ल, रोहितकुमार पौडेल, कुशल मल्ल, आरिफ शेख, दीपेन्द्रसिंह ऐरी, गुल्सन झा, सोमपाल कामी, करण केसी, सन्दीप लामिछाने, भीम शार्की, प्रतिश जिसी, ललित राजवंशी, अर्जुन साउद र किशोर महतो ।