काठमाडौं । प्रधानमन्त्री पुष्पकमल दाहाल ‘प्रचण्ड’ले आफ्नो भारत भ्रमणबारे राजनीतिक परामर्श गरेका छन् ।

प्रधानमन्त्री प्रचण्डले आइतबार पूर्वप्रधानमन्त्रीहरू, राजनीतिक दलका नेता र पूर्वपरराष्ट्रमन्त्रीहरूसँग छलफल गरेका हुन्।

प्रधानमन्त्री कार्यालय सिंहदरबारमा भएको बैठकमा पूर्वप्रधानमन्त्री शेरबहादुर देउवा, केपी शर्मा ओली, झलनाख खनाल, बाबुराम भट्टराईलगायतको सहभागी रहेको थियो ।

नेकपा एमालेले प्रधानमन्त्री प्रचण्डलाई भारत भ्रमणका क्रममा ईपीजीको प्रतिवेदन बुझ्न र सीमा समस्या समाधानका लागि पहल गर्न सुझाव दिएको छ ।

पूर्वप्रधानमन्त्री, दलका नेताहरूसँगको छलफलमा एमालेले नेपालको राष्ट्रियहितमा दृढताको साथ उभिँदा प्रमुख प्रतिपक्ष दलको हिसाबले पूर्णसमर्थन रहने जनाएको छ ।

एमालेले कालापानी, लिपुलेक र लिम्पियाधुरा नेपालको भन्ने तथ्यको आधारमा प्रष्ट भएको प्रष्ट्याएको छ ।

त्यसबाहेक नेपाल भारत व्यापारको बारेमा पनि सहमति गर्ने सुझाव दिएको पूर्वपरराष्ट्रमन्त्री तथा एमाले उपमहासचिव प्रदीप ज्ञवालीले बताए ।