काठमाडौं । सरकारी स्वामित्वका ४४ मध्ये २५ संस्थान नाफामा र १९ वटा घाटामा सञ्चालनमा रहेको पाइएको छ ।

अर्थमन्त्री डा.प्रकाशशरण महतले आर्थिक सर्वेक्षण २०७९/८० को आर्थिक सर्वेक्षण संसदमा प्रस्तुत गर्दै यस्तो बताएका हुन् ।

अहिले ४४ सार्वजनिक संस्थानमध्ये २५ मात्र नाफामा रहेको अर्थमन्त्री महतले बताए । गत असार मसान्तसम्म सरकारको शेयर तथा ऋण लगानी ६ खर्ब १८ अर्ब पुगेको छ । यो अवधिमा लगानीको ६ अर्ब १६ करोड लाभांश प्राप्त गरेको छ ।

विगतमा सार्वजनिक संस्थाले मुलुकको आर्थिक, सामाजिक विकासमा योगदान गरेको भए पनि समयक्रममा खासगरी सञ्चालन र व्यवस्थापनमा समस्या रहेको अर्थमन्त्री महतले बताए। संस्थानहरूको कोषमा व्यवस्था नभएको दायित्व २०.३ प्रतिशतले घटेको छ।