जनकपुरधाम । सप्तरीको छिन्नामस्ता गाउँपालिका ३ स्थित राजविराज-सखडा सडकखण्डमा मोटरसाइकल दुर्घटना हुँदा घटनास्थलमै दुईजनाको मृत्यु भएको छ ।

दुर्घटनामा परि अर्का एकजना घाइते भएका छन् । मृत्यु हुनेमा स्थानीय जोगिन्द्र शाहका १८ वर्षीय छोरा श्याम कुमार यादव र रघुवर खंगका ३० वर्षीय छोरा विकास कुमार खंग रहेका छन् ।

दुर्घटनामा सोही ठाउँका २३ वर्षीय अजय कुमार खंग गम्भीर घाईते भएका हुन् । स्थानीय क्लिनिकमा उपचार भईरहेको प्रहरीले जनाएको छ ।

राजविराजबाट सखडातर्फ गइरहेको प्र-२-०१-००२ प २५६० नम्बरको मोटरसाइकल अनियन्त्रित भएर पोलमा ठोक्किदा दुर्घटना भएको हो ।

उक्त मोटरसाइकलमै तीनै जना सवार थिए । मृतक दुबै जनाको शव राजविराज लगिएको छ ।