काठमाडौं । भौतिक पूर्वाधार तथा यातायात मन्त्री प्रकाश ज्वालाले आज निर्माणाधीन नागढुंगा–नौबिसे सुरुङमार्गको अनुगमन गरेका छन् ।

मन्त्री ज्वाला शुक्रबार विहान ७ बजे प्राविधिक टोली लिएर नागढुङ्गा सुरुङ्गमार्गको निर्माणमा भएको प्रगति र अवस्थाबारे स्थलगत अवलोकनमा पुगेका थिए ।

अनुगमनका क्रममा मन्त्री ज्वालाले तोकिएकै मितिमा सम्पन्न गर्ने गरी काम गर्न निर्देशन दिएका छन् ।

सुरुङमार्गको मुख्य टनेल छ सय मिटर र रेस्क्यु टनेल दुई सय मिटर खन्न बाँकी छ । आउँदो दशैँसम्म मुख्य टनेल जोडिसक्ने र रेस्क्यु टनेल छिट्टै जोड्ने तयारी छ ।

सुरुङमार्गको निर्माण कार्य जापानी कम्पनीले गरिरहेको छ।