काठमाडौं । विभिन्न राजनीतिक दलनिकट मजदुर सङ्गठनहरूले नक्कली भुटानी शरणार्थी प्रकरणमा मुछिएकाहरूविरुद्ध विरोध प्रदर्शन गरेका छन् ।

विभिन्न राजनीतिक दलनिकट मजदुर सङ्गठनहरूले बुधवार सो प्रकरणमा मुछिएकाहरुविरुद्ध नयाँ वानेश्वरमा संयुक्त रूपमा विरोध प्रदर्शन गरेका हुन् ।

विरोध प्रदर्शनमा अखिल नेपाल क्रान्तिकारी ट्रेड युनियन महासङ्घ, क्रान्तिकारी ट्रेड युनियन महासङ्घ लगायत सङ्गठनहरूको सहभागिता रहेको थियो ।

विरोध प्रदर्शनमा सहभागीहरूले सो प्रकरणमा मुछिएकाहरू मानवतस्कर भएको भन्दै उनीहरूलाई कारबाही गर्नुपर्ने लगायतका माग गरेका छन् ।