काठमाडौं । काठमाडौं महानगरपालिकाले सिहंदरबार अगाडि रहेका अवैध संरचना हटाएको छ ।

महानगरले राष्ट्रिय वाणिज्य बैंकदेखि नेपाल टेलिकम केन्द्रीय कार्यालय वरिपरिका अवैध संरचना तथा अव्यवस्थित फोहरमैला हटाएको हो ।

महानगर प्रहरी प्रमुख राजुनाथ पाण्डेका अनुसार तीन दिन अगाडिदेखि भवन वरिपरिका अव्यवस्थित फोहरमैला हटाउन माइकिङ गरेपनि नहटाईएपछि मंगलबार महानगरले विशेष सरसफाइ अभियान सञ्चालन गरेको हो ।

महानगरले सिंहदरबारको पश्चिमगेट अगाडि पुलमुनि रहेका रेष्टुराँलगायतले निर्माण गरेका अवैध संरचना समेत हटाएको छ ।