काठमाडौं । नेपाली कांग्रेसका सहमहामन्त्री तथा सांसद जीवन परियारले सरकारले संसदमा प्रस्तुत गरेको नीति तथा कार्यक्रम पुन:लेखन नहुने बताएका छन् ।

सोमबार नीति तथा कार्यक्रममाथि संसदमा भएको छलफलमा भाग लिँदै सांसद परियारले अहिलेसम्म नीति तथा कार्यक्रम पुन:लेखनको प्रचलन नरहेको बताएका हुन् ।

सांसद परियारले भने, ‘सरकारको नीति तथा कार्यक्रममा छलफल भइराख्दा केहीँ पूर्ववक्ता माननीय सांसदहरुले यो काम छैन, संशोधन गर्नुपर्छ भन्नुभयो । तर, नीति तथा कार्यक्रम संशोधन भएको कुनै इतिहास छैन ।’

एमाले अध्यक्ष केपी शर्मा ओलीले आईतबारको बैठकमा सरकारले प्रस्तुत गरेको नीति तथा कार्यक्रम काम नलाग्ने रहेको भन्दै पुन:लेखन गर्न सुझाव दिएका थिए ।