काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा सोमबार बिसौं चरणका दुई खेल हुँदैछन् ।

जसमा एक खेल एन्फा कम्प्लेक्स र एक खेल च्यासल मैदानमा हुनेछन् ।

सातदोबाटोस्थित एन्फा कम्प्लेक्समा दिउसो ३ बजे सुरु हुने खेलमा त्रिभुवन आर्मी क्लब र फ्रेन्ड्स क्लब भिड्नेछन् ।

सोही समयमा च्यासल मैदानमा शीर्ष स्थानको चर्च ब्वाइज युनाईटेडले हिमालयन शेर्पा क्लबको सामना गर्नेछ ।

चर्च ब्वाइज १९ खेलमा ३६ अंक जोडेर शीर्ष स्थानमा रहेको छ भने हिमालयन १९ खेलमा २५ अंक जोडेर सातौं स्थानमा रहेको छ ।

आर्मी १९ खेलमा २६ अंक जोडेर छैटौं स्थानमा रहेको छ । फ्रेन्ड्स १९ खेलमा २१ अंक जोडेर १३ औं स्थानमा रहेको छ ।