काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा साविक विजेता मछिन्द्र फुटबल क्लबले जित निकालेको छ ।

आइतबार च्यासल मैदानमा सम्पन्न भएको खेलमा मछिन्द्र क्लबले न्यूरोड टिमलाई २-० गोल अन्तरले पराजित गरेको हो ।

मछिन्द्रको जितमा आफिज ओलावाले र सौरभ लिम्बुले एक एक गोल गरे ।

जितसँगै मछिन्द्रले २० खेलबाट ३४ अंक जोडेर दोस्रो स्थानमा उक्लिएको छ भने एनआरटीले २० खेलमा २३ अंक जोडेको छ ।

लिगमा आजै त्रिपुरेश्वरस्थित दशरथ रंगशालामा सम्पन्न खेलमा मनाङ मस्र्याङ्दी क्लब र सशस्त्र प्रहरी बलको एपीएफ फुटबल क्लबले २–२ को बराबरी खेल्दै अंक बाँडे ।

यस बराबरीसँगै मनाङले २० खेलमा २४ अंक जोडेको छ । एपीएफ उति नै खेलमा २३ अकंसहित दशौँ स्थानमा छ ।